Marquardo Skernow preposito ecclesie Arusiensis. Vite ac morum honestas [etc.]. Cum itaque archidiaconatus ecclesie Arusiensis, qui inibi dignitas maior post pontificalem existit, et quem Johannes electus Arusiensis tempore promotionis per nos hodie facte de ipso ad ecclesiam Arusiensem obtinebat, prout obtinet, per huiusmodi promotionem et munus consecrationis impendendum eidem electo vacare speretur, nos, volentes tibi specialem gratiam facere, archidiaconatum predictum, ad quem consuevit quis per electionem assumi, eique cura immineat (!) animarum [fructus 4 mr.], cum illum, ut prefertur, vel ... alias quovis modo preterquam per ipsius electi obitum vacare contigerit, conferendum tibi donationi aposlohce reservamus. Volumus autem, quod, quamprimum archidiaconatum predictum pacifice assecutus fueris, preposituram eiusdem ecclesie, quam extunc vacare decernimus, omnino dimittere tenearis. Datum Fabriani Camerinensis diocesis 7. id. nov. anno 3.

Simili modo episcopo Spoletano et abbati monasterii Care insule Arusiensis diocesis ac archidiacono ecclesie Ripensis.