15900501001

1590. 1. maj. Prag

Thaddaeus Hagecius til Tycho Brahe

A Wien, Österreichische Nationalbibliothek, cod. Vindob. lat. 10686.25.

Tychonis Brahe Dani Opera Omnia, ed. I.L.E. Dreyer, Tom. VII, Hauniæ 1924, p. 243-244

NOBILISS. ET DOCTISS. D. TYCHONI BRAHE DANO, DOMINO URANIBURGI, DOMINO ET AMICO PLURIMUM OBSERVANDO.

NOBILISS. Domine TYCHO et amice plurimum observande. Accepi binas abs te literas, eodem tenore verborum, alteris adiuncta Apologia. Deinde die 24. Aprilis novo stylo accepi alias a studioso quodam Rostochiensi, scriptas abs te 25. Ianuarij. Ad eas omnes a me et a Domino CURTIO propediem accipies responsum plenissime, unâ cum Privilegio luculentiori, quæ omnia noster tabellarius, D. CURTIUS ad te ablegabit. Sic enim inter nos iam est constitutum. Hæc brevibus per eundem studiosum, qui Rostochium revertitur, tibi significanda esse duxi.

B. V.

Datæ

Pragæ die 1. Maij novo stylo Anno 1590.

T. studiosiss.
THAD.