15990111001

1599. 11. januar. Wittenberg

Tycho Brahe til Christen Sørensen Longomontanus

A København, Rigsarkivet, Langebeks diplomatarium. Afskrift

Dänische Bibliothek IX, Hauniæ 1747, p. 239 sqq.Tychonis Brahe Dani Opera Omnia, ed. I.L.E. Dreyer, Tom. VIII, Hauniæ 1925, p. 136

TYCHO BRAHE AD CHRISTIANUM LONGOMONTANUM.

CHARISSIME M. CHRISTIERNE, bis tibi scripsi, postquam huc Witebergam veni, quas literas accepisse te utrasque reor, vel saltem alteras. Cuperem, ut ad me huc accederes, antequam denuo Pragam versus iter suscipiam. Fiet id cum tuo emolumento. Si viatico cares, suppeditabit tibi hic auriga, ego illi restituam. Intellexi ex tuis, antequam Wandesbecho abires, mihi scriptis, conditionem in aliqua Academia te optare hîc in Germania, s[ignifica mihi an] Pragæ isti, qui se Cæsaris Mathematicum iactat, succedere velis (brevi enim ille se subducet, si modo iam factum non sit) sin tibi non placuerit, efficiam ut ....... eo vocetur, nec is ab [hoc] munere suscipiendo abhorret; [tunc] operam dabo, ut tu hîc Witebergæ in eius locum substituare .......re, cum præsente plura ad ........ quavis alia ratione expete ....... commodis, quantum in me est, studebo.

Vale.

Raptim Witebergæ inter plurimas occupationes die 11. Ian. Anno 99.

TYCHO BRAHE,
manu propria.