15990127001

1599. 27. januar n.s. Wittenberg

Rudolf Coraduz til Tycho Brahe

A København, Rigsarkivet, Langebeks diplomatarium. Afskrift

Tychonis Brahe Dani Opera Omnia, ed. I.L.E. Dreyer, Tom. VIII, Hauniæ 1925, p. 136-137

DEM EDLEN VNNDT GESTRENGEN RITTER HERRN TYCHO BRAHE ZU KNUDSTORP MEYNEM SONDERS GUNSTIGEN VNO VIELGELIEBTEN HERRENN.
TRESEN ODER WITTENBERGK.

ILLUSTRIS ac Clarissime eques et Domine obser^me. Sacra Cæsarea Maiestas Dominus noster Clementissimus mandavit mihi, ut Illustrem Dominationem tuam statim huc vocem, cui hisce meis humillime obsequi et debui et volui. Curet itaque Dominatio Tua Illustris quam diligentissime, ut quam primum poterit, se ad iter accingat, sicque coram Cæsare hîc Pragæ statuat, ut is hac in parte in Dominatione tua illustri, vel etiam me ipso, ne minimum quidem defuisse animadvertat. Porro de hac Illustris D. T. personæ Augusta evocatione non tam D. T. Ill^ri gratulor, quam mihi ipsi. Mirum in modum gaudeo, utpote qui hac occasione, te tantum ac talem virum et præter generis nobilitatem, omni virtutum et literarum genere exornatum atque excultum coram videre tuisque doctissimis sermonibus quandoque frui potero. Vale quam optime et diutissime, Vir Nobilissime, omnemque adhibe diligentiam, ut nobis salvus atque incolumis huc advenias.

Datæ Pragæ die 27. Ianuarij Anno 1599, quem tibi cum multis alijs felicissimum a Deo ter Optimo Maximo precor.

Illustri atque Clariss. D. T. deditissimus
RUDOLPHIUS CORADUCIUS,
manu propria.