16000403001

1600. 3. april n.s. München

Hans Georg Herwart von Hohenburg til Tycho Brahe

A München, Universitätsbibliothek, 693 fol..

Tychonis Brahe Dani Opera Omnia, ed. I.L.E. Dreyer, Tom. VIII, Hauniæ 1925, p. 293

IOANNES GEORGIUS HERWARTUS AB HOHENBURG AD TYCHONEM BRAHE.

ACCIPIES, Vir nobilissime atque Mathematicorum omnium longe præstantissime, Catalogos ambos librorum, qui in his nundinis vernalibus Francofurti ad Mœnum venales extiterunt. Si quos ex his petas, velim eos mihi designari, priusquam exemplaria divendantur, et curabo sedulo, ut quamprimum eos accipias. Mitto etiam tabulas ELISABETHÆ Reginæ Angliæ, GEMMAM FRISIUM de radio Astronomico, et Astrologiam græcolatinam IOACHIMI CAMERARIJ No. 106. Tabulas perpetuas longitudinum et latitudinum Planetarum Lovanienses, et Theoricas Planetarum PURBACHIJ ab ORONTIO FINÆO emendatas No. 99. Atque hisce me tibi commendo, teque florere quam fœlicissime exopto.

Datæ Monachij tertia die Aprilis Anno 1600.