16000418001

1600. 18. april n.s. München

Hans Georg Herwart von Hohenburg til Tycho Brahe

A München, Universitätsbibliothek, 693 fol..

Tychonis Brahe Dani Opera Omnia, ed. I.L.E. Dreyer, Tom. VIII, Hauniæ 1925, p. 302

IOANNES GEORGIUS HERWARTUS AB HOHENBURG AD TYCHONEM BRAHE.

MITTO, Vir nobilissime atque Mathematicorum omnium facile princeps, ut libri, quos petijsti, ad te transferantur, his iuncta

IOANNIS VIRDUNGI tabulas resolutas de supputandis motibus syderum,

Tabulas Prutenicas ERASMI RHEINHOLDI,

COPERNICUM de triangulis et Algorithmum demonstratum No. 76.

Habemus exemplar græce manuscriptum HIPPARCHI Bithyni in ARATI et EUDOXI Phænomena librorum 3, cum Asterismis (uti inscribitur in Codice Florentiæ A^o 1567 impresso. Nec enim Asterismi illi sunt HIPPARCHI, nec forte reliqua) et alterum exemplar Magnæ Syntaxeos CL. PTOLEMÆI, literâ pervetustâ et eleganti conscriptum. Quod si tibi dubiæ lectiones occurrant, lubens admodum et sedulo conferam et ad te perscribam. Nec inpræsentiarum occurrunt iam alia, sed hisce tibi officia mea promptissime offero.

Datæ (18 Apr. circiter) A. 1600.