16000507001

1600. 7. maj n.s. Benatky

Tycho Brahe til Johann Barwitz

A Basel, Universitätsbibliothek Basel, G I 35.

Tychonis Brahe Dani Opera Omnia, ed. I.L.E. Dreyer, Tom. VIII, Hauniæ 1925, p. 315-316

MAGNIFICO ET NOBILISSIMO VIRO, DOMINO IOHANNI BARVITIO, SACRÆ CÆSAREÆ MAIESTATIS SECRETARIO SUPREMO ET A CONSILIJS INTIMIS, DOMINO ET AMICO HONORANDISSIMO.

MAGNIFICE ET NOBILISSIME VIR, DOMINE ET AMICE HONORANDISSIME.

QUONIAM ea, de quibus Mag^a V^a mihi per domesticum meum, quem ultimo Pilsnæ habui, spem fecit, brevi effectum exoptatum habitura, adhuc infecta hæreant, et frustra hac præterlapsa septimana cum Sacra Cæs^a Maiestate, Domino nostro Clementissimo, V^æ Mag^æ accessum a multis pariter speratum per aliquot dies Pragæ expectarem, cogor denuo (siquidem res ulteriorem moram vix patiatur, et incertus sim, quam cito S^a Cæs^a Ma^tas eo redire decreverit) eundem familiarem ad vos amandare, ut si per alias multiplices occupationes fieri nunc commodius quam antea possit, plenariam aliquam resolutionem obtinere queam, quod Mag^æ V^æ favorabili intercessione me impetraturum confido. Quænam vero illa sint, de quibus adhuc sollicitus detineor, is, quem amando, V^æ Mag^æ rectius et plenius, quando ipsum audire commodum fuerit, exponet, ut non opus sit multis verborum ambagibus, eam alias occupatissimam hisce literis ulterius interpellare. Rogo autem Mag^am V^am officiose, quemadmodum semper sua benevolentia mihi præsto fuit, sic etiam nunc non deesse velit. Inveniet me semper pro mea tenuitate eius vicissim studiosissimum et observantissimum.

Valeat Mag^a V^a quam diutissime et quam felicissime.

Dabantur ex arce Benaticka die 7 Maij Anni 1600.