Ericus dei gracia dux Iucie omnibus presens scriptum cernentibus salutem in domino sempiternam. ♦ Ex intimo et sincero animi affectu quem ad nobilem et dilectam nobis ciuitatem Sclæswicensem habere proponimus et habemus sollicite pensantes quod ipsius lugubrem deuastacionem multimodam congrue debeamus aliquo facto seu statuto subleuare\ considerantesque quod in placitis et uillis forensibus circumquaque eidem ciuitati adiacentibus forum celebretur quo ipsius ciuitatis commodum uideatur quoquomodo minorari\ statuimus de consilio omnium seniorum ac meliorum nostri ducatus ac mandamus ut in singulis ebdoma[dis] duobus diebus uidelicet feria tercia et sexta in memorata ciuitate Slæswicensi forum celebretur generale. ♦ Unde omnes ad quos presentes littere peruenerint attencius monemus ut ad memoratam ciuitatem illis diebus eo libencius accedant quod in eadem nec torghgiald nec teloneum aliquatenus soluere teneantur. ♦ Omnibus autem qui ad dictam ciuitatem Slæswicensem accesserint saluum et securum concedimus ac promittimus conductum illuc ueniendi ibidem commorandi et ad propria redeundi. ♦ Si quis autem nostrum conductum aliquatenus presumpserit uiolare\ id gladio nostro indubitanter uolumus uindicare. ♦ In cuius rei testimonium presentes litteras sepe dicte ciuitatis ciuibus sigilli nostri munimine dedimus roboratas ♦ Datum Slæswik anno domini millesimo. cc^o. lx^o i^o. vii^o. idus februarii.