Nos Gherardus dei gracia comes Holzacie, Stormarie et de Schouwenborch per presentes litteras recognoscimus, inter nos, ex una, et inter comitem Nicolaum de Zweryn illustrem, parte ex altera, in modum qui sequitur esse concorditer placitatum: ♦ Primo, quod filiam eius Anastasiam ducemus matrimonialiter in uxorem et cum ipsa nomine dotis accipiemus mille et ducentum marcas argenti puri, persoluendas infra annum et diem, numerandum a tempore nupciarum conpletarum, ita tamen quod huius argenti respectum habebimus ad illustrem Ericum ducem Yucie, si ex parte comitis Nicolai dux idem promittere curauerit memoratam summam argenti nobis sub tali caucione, qua comiti Nicolao dux extitit obligatus; alias autem comes Nicolaus tantum nobis in suis bonis et redditibus assignabit percipiendis annuatim pro dote, quantum uasallis suis et nostris equm uisum fuerit atque iustum; sed cum primum potuerit comes Nicolaus a duce Yucie predicto argentum, quo sibi obligatur, expetere, redimere tenebitur bona sua, que nobis titulo pingnoris obligauit..... ♦ In cuius rei testimonium sigillum nostrum presentibus est appensum/ ♦ Datum anno domini millesimo trecentesimo terciodecimo, in die sanctorum Abdon et Sennen.