Gregorius et cetera carissimo filio et cetera salutem et cetera ♦

Supremis aspirantes affectibus ad extirpacionem lugubris scismatis ac eciam diuturni quid nuper circa hanc rem decreverimus per modum generalis consiliiA exequendum . copiam indiccionis et convocacionis hujusmodi consiliiA . in celebritate futura penthecostes in Aquilegensi provincia seu exarcatuA Ravennatensi deo actore celebrandi per nos nuper editarum presentibus duximus inserendam ut tua serenitas mentem nostram circa hujusmodi materiam deo acceptissimam et Christianitati saluberrimam possit agnoscere ferventissimam et intentam . exhortantes ut hanc determinacionem nostram prelatis ecclesiarum monasteriorum civitatum ac terrarum et locorum ac nobilibus et universitatibus principalibus regni tui placeat ad illorum noticiam celeriter eciam intimare illosque et alios ad veniendumA inducere pro conclusione saluberrima tanti boni . ♦

Tenor autem dicte indiccionis sequitur et est talis ♦

Gregorius et cetera ad futuram rei memoriam ♦

Cum tantaA mentis nostre intencio sit Christianorum ecclesiam integraliter reunire palpato per experienciam rerum magistramA quod per viam renunciacionis obstante iniquorum malicia id efficere hucusque nequivimus quam pure et sincere obtulimus et in eandemA perseveranter perstetimusA et adhuc persistere non desistimus secundum formam et intencionemA nostri voti et juramenti . nescientes divini secreta consilii . sepenumero per effectum demonstrantis quia vane sunt cogitaciones hominum . ad viam juribus et antiquis consvetudinibus . approbatam nos convertimus generale consiliumA quod omnes vias ad unionem includit nullam penitus excludendo . quodque <congregare>A / solius Romani pontificis esse dinoscitur sine cujus auctoritate factum . non consiliumA sed conventiculum seu consiliabulumA dicitur et diffinitur nullum existere ad festum penthecostes immediate subsequentis celebrandum et in patriarchatu Aquilegensi seu exarchatu Ravennatensi divino auxilio invocato de fratrum nostrorum consilio auctoritate apostolica tenore presencium indicimus et eciam convocamus per apostolica scripta . mandantes universis venerabilibus fratribus nostris universis et singulis patriarchis archiepiscopis et episcopis ac dilectis filiis electis et aliis ecclesiarum prelatis ac reliquis in prelaturis et dignitatibus constitutis qui solent ex dignitatibus aut prelaturis eorum in hujusmodi generalibus consiliisA interesse quatinus ad id se personaliter . in eisdem loco et tempore transferant tempore debito scituri locum quem . ex eis duxerimus eligendum . quem quidem locum nunc expresse determinare et denunciare nequimus propter varias circumstancias quibus locus talis . unitatis et pacis debet merito circumcingi . ♦

Et quoniam pestiferum hoc scisma tolloA verisimiliter non speratur neque dari integritas unionis populo Christiano . cum effectu sine dominorum temporalium voluntate quorum honor et status tangitur carissimos in Christo filios imperatorem Romanum et alios reges et nobiles viros duces principes ceterosque potentatus necnon communitatum et universitatum regimina principalia requirimus monemus et exhortamur in domino quatinus ad idem consiliumA personaliter veniant aut aliquos viros sollempnes doctos et deum timentes transmittant ut fiat deo adjuvante pax et unitas eodemA in populo Christiano ♦

Nulli ergo omnino hominum et cetera ♦

Datum Luce iii nonas julii <pontificatus nostri anno secundo>A . ♦