Universis ad quos . presentes pervenerint Petrus dei gracia episcopus Roskildensis salutem in domino ♦

Noveritis transactis nuperrime annis aliquibus quandam vicariam seu . altare sancte . Katerine \ in aquilonari turri ecclesie nostre . Roskildensis per nobilem militem dominum Johannem . Andree pie memorie fundatam et . dotatam . ad instanciam dicti . domini Johannis Andree / prebende canonicali in ecclesia Roskildensi prefata . / que . Rota vocabatur ex consensu venerabilis capituli nostri . Roskildensis prout in litteris originalibusN super hoc confectis plenius continetur fuisse per nos annexam pariter et . unitam ♦ Unde quia ipsius prebende et . canonicatus possessor . de . bonis ipsius . vicarie seu . altaris nisi a nobis sibi specialiter concessum fieret ut ceteri canonici dicte ecclesie . Roskildensis de bonis prebendarum suarum percipiunt decimas episcopales percipere non posset ♦ Nobis igitur latorpresencium Laurencius Nicolai dicte prebende canonicus et . possessor . humili supplicacionis instancia supplicavit / ut . sibi de dicte vicarie et . altaris bonis decimarum episcopalium percepcionem annuere et . ex speciali . gracia . concedere dignaremur . ♦

Eapropter . matura deliberacione prehabita ex dicti capituli nostri consensu eidem domino . Laurencio et . successoribus suis in eadem prebenda . dictarum decimarum episcopalium percepcionem . in prefatis bonis ipsi . vicarie et . altari sancte . Katerine per prefatum . dominum . Johannem . Andree ut . premittitur collatis et donatis annuimus et . concedimus per presentes perpetuis temporibus sublevandam ♦ Dictorum tamen bonorum decimas domui sancti . spiritus Roskildensi concessas dumtaxat . excipimus donec dicte domui condignam pro ipsis dederimus recompensam ♦ Insuper . dicta bona . ipsius vicarie et altaris omnia et . singula ab . omni onere episcopalis jurisdiccionis ut . aliorum canonicorum Roskildensium bona libera esse . volumus et . exempta ♦

In quorum concessionis et . donacionis dictarum . decimarum sigillum nostrum . una cum sigillo dicti capituli nostri presentibus duximus appendendum et . presentes nichilominus dictis origenalibus = originalibus litterisN super . dictarum prebende . et vicarie unione . et . anexione jussimus applicari et . connecti ♦

Datum anno . domini millesimo . cdtrecesimo decimaoctava die mensis may ♦