Universis Christi fidelibus presentes litteras inspecturis.

Licet is (de cujus munere venit ut sibi a suis fidelibus digne et laudabiliter serviatur de abundantia sue pietatis que merita supplicum excedit et vota bene servientibus sibi multa majora retribuat quam valeant promereri nichilominus tamen desiderantes domino populum reddere acceptabilem et bonorum operum sectatorem fideles ipsos ad complacendum sibi quasi quibusdam allectivis muneribus indulgentiis scilicet et remissionibus invitamus ut exinde reddamur divine gratie aptiores)A.

Cupientes igitur, ut ecclesia domus fratrum Predicatorum Roskildensis congruis honoribus frequentetur ..., omnibus vere penitentibus et confessis, qui in nativitatis circumcisionis epiphanie resurrectionis ascensionis Corporis domini nostri Jesu Christi et penthecostes et nativitatis assumptionis annuntiationis purificationis b. Marie virginis ac nativitatis b. Johannis baptiste et apostolorum [Petri et Pauli] ac dedicationis ipsius ecclesie et dominice festum visitationis b. Marie virginis immediate sequentis festivitatibus, necnon per ipsarum nativitatis epiphanie resurrectionis ascensionis et Corporis domini ac nativitatis et assumptionis b. Marie virginis necnon bb. Johannis et apostolorum predictorum festivitatum octavas et per sex dies predictam festivitatem penthecostes immediate sequentes prefatam ecclesiam devote visitaverint ..., singulis videlicet festivitatum decem annos et totidem quadragenas, octavarum vero et sex dierum predictarum diebus, quibus ecclesiam ipsam devote visitaverint, ... ut prefertur, centum dies de injunctis sive debitis eis penitentiis relaxamus, presentibus post decennium minime valituris.

Volumus autem, quod, si alias visitantibus dictam ecclesiam ... vel alias aliqua alia indulgentia imperpetuum vel ad certum tempus nondum elapsum duratura per nos concessa fuerit, hujusmodi presentes littere nullius existant roboris vel momenti.

Datum Bononie 8. kal. sept. anno 5.