Universis christifidelibus nostram dyocesim visitantibus et commorantibus in eadem Petrus dei gracia episcopus Roskildensis . salutem in domino . ♦

Pium et gratum deo credimus impendere obsequium quociens ejus fideles ad pietatis opera excitamus . ♦

Cupientes igitur ut monasterium sancte Clare Roskildis . congruis habeatur reverencia et honore ac ut edificia in eo noviter incepta per pia christifidelium subsidia congruentem sorciantur effectum . omnibus vere penitentibus et confessis qui ad fabricam ipsius monasterii manus porrexerint adjutrices seu ad ornamenta ipsius monasterii . quovismodo melioranda vices pietatis . effectualiter impenderit aliquales . quociens premissa seu premissorum aliquod adimpleverint . seu fieri procuraverint tociens de omnipotentis dei misericordia . et beatorum apostolorum ejus Petri et Pauli auctoritate confisi . quadraginta dierum indulgencias . de injunctis sibi penitentiis in domino misericorditer relaxamus . ♦

Datum Roskildis anno domini m^ocd^o decimo quinto . in vigilia assumpcionis beate Marie virginis nostro sub . secreto ♦