Omnibus presens scriptum cernentibus Symon Gedeonis presbiter ac perpetuus vicarius Arusiensis salutem in domino sempiternam ♦

Noverint universi presentes et futuri me libera voluntate et animo deliberato altari beati Petri ad vinculaA in ecclesia Arusiensi cujus possessor nunc existo dimidiam curiam meam michi post mortem patris mei Gedeonis bone memorie jure hereditario advolutam ubi estuarium et coquina sunt constructe una cum domo mea in ejusdem altaris sancti Petri fundo juxta scolas edificata ob remedium anime mee parentumque meorum donasse legasse libere et scotasse post transitum meum perpetuo possidendam ♦ ita quod possessor ejusdem altaris sancti Petri qui successive pro tempore fuerit anniversarium meum in ecclesia Arusiensi per canonicos cum duobus solidis grossis perpetuis temporibus circa festum sancti Andree apostoli annue faciat celebrari ♦

In cujus rei testimonium sigillum meum una cum sigillis honorabilium virorum ac dominorum videlicet . Johannis Stigoti canonici et officialis domini episcopi Arusiensis Henrici Nicolai Nicolai Petri presbiterorum et perpetuorum vicariorum ejusdem ecclesie Arusiensis Awonis Lithlæ Magni Kalfø et Johannis Petri dicti Krogzagher civium Arusiensium presentibus est appensum ♦

Datum anno domini mcdxv die beati Luce ewangeliste ♦