Magno electo Caminensi.

Sincere devotionis affectus (quem ad nos et Romanam geritis ecclesiam, promeretur, ut humiles preces vestras, quantum cum deo possumus, ad exauditionis gratiam admittamus).

Sane dudum, ecclesia Caminensi Romane ecclesie immediate subjecta ex eo pastoris solatio destituta, quod Alexander V in sua obedientia nuncupatus quondam Nicolaum tunc episcopum Caminensem licet absentem suis culpis et demeritis exigentibusA ab omni administratione ipsius ecclesie Caminensis privaverat, idem Alexander de persona tua eidem Caminensi ecclesie providit; cumque postea Johannes tituli s. Sixti presbiter cardinalis, tunc in Alamanie et in nonnullis aliis partibus per Angelum, tunc Gregorium XII in sua obedientia nominatum, legatus deputatus, pretendens dictam Caminensem ecclesiam tunc per obitum dicti Nicolai vacare et de prefata obedientia dicti Angeli, tunc Gregorii, existereA, Johannem episcopum Slesvicensem ... ad eandem Caminensem ecclesiam transtulisset, licet de facto, et deinde orta propterea inter te et dictum Johannem episcopum super dicta Caminensi ecclesia materia questionis, nos ... tandem hujusmodi provisionem de persona tua facta[m] fore canonica[m] per alias nostras litteras declaravimus [ac] translationem de persona dicti Johannis episcopi facta[m] et quecunque inde secuta esse nulla ...

Nos igitur .. tibi, qui in minoribus dumtaxat ordinibus et in 28. tue etatis anno dumtaxat constitutus existis, tempus recipiendi munus consecrationis a canonibus diffinitum, infra quod adhuc fore dinosceris, ad 21. diem mensis decembris proxime instantis prorogamus, tibi nichilominus, ut interim a quocunque malueris catholico antistite .. una et eadem die etiam extra tempora a jure statuta ad omnes etiam sacros ordines [te promoveri facere] valeas, necnon antistiti, ut ordines et munus hujusmodi auctoritate nostra impendere tibi possit, tenore presentium indulgentes ....

Datum Gebennis 2. id. julii anno 1.