Supplicat Detlevus Cruse rector parrochialis ecclesie in Risbu Slesvicensis diocesis, cum quo dudum, ut non obstante defectu natalium, quem patitur de presbitero genitus et soluta, ad omnes posset etiam sacros ordines promoveri et unum beneficium, etiam si curam haberet animarum, obtinere, extitit apostolica auctoritate dispensatum, quique dispensationis hujusmodi vigore ad omnes sacros ordines promotus et dictam parrochialem ecclesiam extitit assecutus, quatenus secum, ut non obstante defectu predicto unum duo tria vel quatuor alia beneficia ....., si sibi canonice conferantur ..., recipere illaque et supradictam parrochialem ecclesiam totiens, quotiens sibi placuerit, dimittere et loco dimissorum alia beneficia quinque tamen compatibilia in ecclesiis predictis similiter recipere et retinere libere valeat, dignemini dispensare, non obstante quod dictam parrochialem ecclesiam [fructus 10 mr.] obtinet.

Fiat. O.

Datum Rome 5. id. febr. anno 5.