Wettet jrluchtegede hochgeborne forste her Erik der ryke Denemarken Sweden Norwegen der Wende vnde Gotthen konningk vnde hertouge to Pömeren dat we borgermestere rad vnde borgere gemeynliken vnde jnwonere der stad Northem mit vnszn helperen willen juwe juwer ryke vnde juwer ryke vndersaten vnde jnwonere wu men de benomen mach vigende wesen vmme der ersamenen heren vnde vnser frunde der rede vnde borghere der stede willen Lubeke Hamborch Röstogk Stralssund Luneborch vnde Wysmare vnde dar vmme dat gi den kopman der dudeschen hense dar we mede to horen swarliken bescheddiget vnde vor vnrechtiget hebben vnde de juwe bescheddigen vnde vor vnrechtigen laten in juwen ryken vnde gebeden tegen priuilegia vnde wontheyde de van juwen vorvaren gegeuen vnde besegelt vnde van jü suluen gestedeget sind / ♦

Vnde we willen des alle vnde vnsere eyn jowelk biszundern mit vnsen helperen vnse ere an jiik vnde den jüwen to guden tiden wol vor waret hebben / ♦

Dusses to bekantnisse is vnser stad secret to ruggehalff gedrukt an dussen breff ♦

Gegeuen na der gebord Cristi Vnses Heren veirteynhundert jar dar na in deme seuen vnde twintigesten jare am midweken nach deme sundage Oculi inder vasten ♦