Weted irluchtende hochgeborne ffurste her Erek der ryke Denemarke Sweden Norwegen der Wenden vnde Gotten koningk \ vnde hertoge to Pommeren dat we borgermestere rad vnde borgere gemeynliken vnde jnwonre der stad Quedelingborg met vnsen hulpern willen juwe juwer ryke vnde juwer ryke vndersaten vndeA inwonere wů men de benomen mach vygende wesen vmme der ersamen hern vnde vnser ffrunde der rede vnde borgere der stede willen Lubeke Hamborch Rosteke Stralensůnt Lůneborch vnde Wismar etcetera vnde dar vmme dat gy den kopman der dudeschen hense dar we mede to horen swerliken beschediget vnde vor vnrechtighet hebben vnde de juwen beschedigen vnde vor vnrechtigen laten jn juwen ryken vnde beyden tigen priuilegia vnde wonheit de van juwen vor ffaren gigeuen vnde besegelt vnde van ju seluen bestedighetA sint / ♦

Vnde we willen des alle vnde vnser jowelk bisunderen met vnsen hulpern vnse ere an gik vnde den juwen to ghuden tijden wol vor wart hebben ♦

Des to bekantnisse is vnser stad jngesegil gedrucket nedden an dissen openen breff ♦

Gigeuen na der bord Cristi Vnses Hern verteyn hundert jar vnde dar na jn dem seuen vnde twintigesten jare an dem myddeweken na Oculi mei jn der hilgen vasten etcetera ♦