Omnibus presens scriptum cernentibus . Petrus dei gracia archiepiscopus Lundensis Svecie primas et apostolice sedis legatus . salutem in domino sempiternam ♦

Notum facimus per presentes quod nos . quandam curiam nostram in Væstre Meleberghæ . Baraheret sitam . quam pronunc quidam Magnus Ysaacsøn inhabitat . una cum agris pratis pascuis . humidis et siccis . necnon omnibus et singulis pertinenciis . quibuscumque . in recompensam pro bonis in Luddekøpinge que venerabilis in Christo pater . dominus Nicolaus felicis recordacionis quondam Lundensis archiepiscopus predecessor noster . ad tenendum in ecclesia nostra Lundensi suum anniversarium deputaverat . dilecto capitulo nostro Lundensi . sub permutacionis titulo . dimittimus et ad manus assignamus . jure perpetuo possidendam . utA exinde prefati predecessoris nostri anniversarium in predicta ecclesia nostra singulis annis debite teneatur ♦

Datum Lundis . anno domini mcdxxix . feria 2a post dominicam letare . nostro sub secreto presentibus appenso . in evidenciam premissorum ♦