Van Gots gnaden wij Alff vnde Gerdt, hertogen to Sleszwig etcetera, bekennen vnde betugen apenbar in desseme breue vor alle den jennen, de ene zeen edder horen leszen, dat wij vnseme knechte Banneke CalliessonA vmme sines truwen denstes willen, den he vns gedan hefft vnnde vns in tokomendenA tijden noch furder don mach, hebben vorlenet vnnde vorlenen mit crafft dusses breues alle de gudere, de Henning Kock vnde Clawes Kock, borger to Flensborch, liggende hebben in Fortofft jn deme Risingmore vnde in Kerherde, de tijd vth sines leuendes, quijd, frig vnde bruckliken to besittende, mit allen eren tobehoringen.

Jo doch beholde wij vns hir ane, jfft id ichteswanne in tokomendenA tijden na qweme, dat de suluenA unsenA erbenomeden borger bynnen Flensborch in vnsen hulden vnde gnaden qwemen edder anders in guderA wise twisschen vns worde, so wolde wij vns mit Banneken erbenomed in sodaner vorsegelinge vnde lenendeA der vorscreuen gudere vnvorsecht hebben.

Dit vorscreuen loue wij Alff vnnde Gherd hertogen vnnde greuen erbenomed vor vns vnde vnnsen eruen Banneken erbenomed in truwen stede vnnde vaste to holden sunder arch etcetera.