Deme erbaren vorsichtegen manne, HinrikeA Gripeshorne toA Valsterbode, detur hec.

Mynen vruntliken grot tovoren.

Leve Hinrik Gripeshorn.

Alse gy wol weten, wu dat wy uns scheden to Schon{oe}re, des wetet, dat ik hir ghesproken hebbe mit den kopl{ue}denA, dar was by her Axsel Peterson unde Magnus Go{yo}eA vor deme rade van deme Elbogen.

Under velenA worden seden se also, dat se nicht andres don en mochten edder wolden, wen alse de v{oe}gedeA deden to Valsterbode unde to Schon{oe}re, unde enA willen nicht tostan mit alle, wer heren edder koninges dach, dochA seden se also, dat se sik beraden willen unde willen en antworde segen den, dede hir bliven van mynes heren amtluden.

Leve Gripeshorn, hir willet up dengken unde an spreken also, dat myme heren dem k{oe}ninge sche wat m{oe}ghelik is umme der vruntschop willenA, dede nu is twisgen myme heren unde den steden, Got geve datA dat lange ware.

Item alse umme den schiphern, den gy to my ghesentA hebben, umme dat schip to vordernde, dat giA to Kopenhaven hebben laten rosteren, dar wil ik {oe}me gerne to helpen mit allem vlite, dat he enen ende darvan krige.

Item, leve Gripeshorn, alse umme de bodeschop, de de rad van Lubeke hebben scholde by mymeA heren in Sweden, dat gy dat also willen bestellen, dat dat joA nicht nabliveA, dat d{ue}ngket my gans gud wesen, dat dat joA sche alseA ghesecht is, unde konde gy dat towegeA bringen, dat gy dar mede hen ghekamenA hadden, dat were gans gud, wente gy dar wol mit den l{ue}denA bekant sint unde weten wol alle legenheyt.

Hirup willet truweliken vordacht wesen unde en latet juA dar nicht en l{ue}ttik an schelen umme des ghemeynen besten willen.

Hirmede bevele ik juA Gode.

Ghescreven to den Elbogen, des sondages na s{ue}nte Egidius dage, in deme 35 jareA, under myme signitteA.

Esge Brock riddirA.