Witlik sy alle den jennen de dessen breff seen edder horen lesen ♦

Ik Luder Leeyow bekenne myt desseme myn opene breff dat ik vnde mynen rechten eruen myne v{uo}lkomen noghe kreghen hebbe vor hunder steder mark alse to Lubeke unde to Hamborch gengghe vnde gheue synt dar en gh{uo}t man deme anderen v{uo}l mede don mach vor dat ghut dat ik to pande hadde van Clauwes Kr{uo}mkop dar hebbe ik myne v{uo}lkomen noghe vore kreghen van Anders Juersone vor dat gh{uo}t yn Angghel licht Satropholme dat dar licht yn Satrop kerspel yn Struxstroppe herede ♦

Vore dat ghelt late ik em leddich vnde los ♦

Ik vnde mynen eruen em vnde synen er{ue}en to t{uo}ghe vnde to witlikheit so hebbe ik Luder Leoyow myt anderen bedderuen luden myn jngeseghel hyr vore henghetA alse Henneke Cr{uo}medick anders heten Wittekop Tymme Cr{uo}medik syn broder ♦