Nuper s. v. Symoni Techel clerico Roskildensis diocesis tempus de expediendis litteris super decanatu et prebenda ecclesie Haffnensis Roskildensis diocesis prorogavit successive ter. Sed quia finis ultimi mensis satis in brevi instare videtur, quare supplicat prefatus Symon, quatenus tempus huiusmodi, quod nondum est elapsum, ad unum alium mensem a fine dicti temporis inantea computandum prorogare dignemini, attento quod idem Symon non habet de presenti, unde litteras huiusmodi expedire possit. Concessum in presentia pape. C. Ariminensis. Datum Florentie pridie non. aprilis anno 10.