Supplicat s. v. .. Otto Berlin decanus ecclesie s. Andree Verdensis apostolice sedis nuntius ac fructuum camere apostolice in provinciis Bremensi et Rigensi ac in earundem necnon in Caminensi, Verdensi, Hildesemensi et Slesvicensi civitatibus et diocesibus debitorum generalis collector, quatinus sibi de quibuscunque bonis sibi a deo collatis undecunque, etiam per ecclesiam seu ecclesias, licite tamen, acquisitis, licentiam testandi ut in forma concedere dignemini. Fiat in forma. T.

Item supplicat idem Otto collector ac etiam litterarum apostolicarum abbreviator, quatinus sibi, ut omnia beneficia ecclesiastica cum cura vel sine cura cum quacunque sive quibuscunque personis, etiam si earum beneficia ex quavis causa dispositioni apostolice generaliter vel specialiter reservata fuerint, in manibus ordinarii aut cathedralis ecclesie canonici sive ecclesiastici prelati ex causa permutationis resignandi ac ordinario, canonico sive prelato huiusmodi resignationem ex causa predicta admittendi necnon Ottoni de hiis, que persona sive persone, necnon persone sive personis de hiis, que Otto ex causa supradicta resignarunt, providendi, conferendi, transferendi et alia circa premissa quomodolibet oportuna faciendi, etiam cum invocatione brachii secularis, licentiam concedere dignemini. Fiat de duobus. T. Datum Rome 3. kal. aprilis anno 2.