Mortuo Suenone filius eius | Canutus in regno successit, quem et Senem cognominabant. Hic regni sui terminos mire virtutis potentia dilatauit. Nam ab vltima Tyle vsque ad Grecorum ferme imperium virtute multiplici circumiacentia regna suo aggregauit imperio. Quippe Hyberniam, Angliam, Galliam, Italiam, Longobardiam, Teotoniam, Noruagiam, Slauiam cum Samia satis eleganter subiugauit. Hic primus, dum in Anglia pacis tranquillitate poteretur, leges condidit castrenses, quas pro modulo ingenioli mei supra libaui. Huius quoque filia extitit Gunnild, illustris femina, quam Henricus imperator, imperatoris Cunradi filius, sibi matrimonio copulauit. Quem dum Romani | tumultuaria seditione a regio pepulissent solio, generum adiens eius opitulationem interpellauit. Vnde nacta occasione illustris ille precluisque Canutus assumpto exercitu suo primo Galliam depopulando inuasit, sicque vlterius progrediendo Longobardiam cum Italia deuastauit, ac postmodum virtute compulit Romanos multimoda ciuitatem sibi resignare; sicque imperatorem et generum suo trono restituit. Quo peracto, cum ingenti tripudio ad Frantiam vsque commeauit, Turonisque profectus beati Martini reliquias Rotomagum potenter secum asportauit, eo quod ciuitatem illam pre ceteris specialiter diligebat. Prefatus quoque Canutus duos filios genuit, quorum alterum | suo appellauit nomine: quem cognomine Durum nominabant, non quod austerus vel crudelis extiterit, verum inde sortitus nomen, quod prouintie <tale>A nomen extiterit, ex qua natalem duxit originem. Hunc pater Datie regem prefecit. Alterum vero Suenonem nominauit, cui Noruagiam gubernandam deputauit. Ipse autem Angliam <quinque ferme lustris regia potestate administrauit. Interea filij ipsius,>A <quibus prefata regna>A commiserat, superstite debitum Ade persoluerunt. Quod audiens rex, patrium <regnum>A regimine gubernatoris destitutum, ad Datiam reditum accelerabat; et quia in Datia ecclesie nouella extitit plantatio, multos pontifices et presbyteros secum adduxit, quorum alios penes se detinuit, alios autem ad predicandum delegauit. Ei per [vniuersam]A | vniuersam Suetiam, Gotiam atque Noruagiam dispersi, nec non ad Islandiam transmissi, verbi diuini semina propagantes multas animas Christo sunt lucrati, iuxta illud: 'In omnem terram exiuit sonus eorum, et in fines orbis terre verba eorum.' Inter quos presules Gerbrandus et Rodulphus extiterunt, quorum alterum, id est Gerbrandum, Roschildensi primum prefecit ecclesie, Rodulpho vero Slesuicensem gubernandam commisit ecclesiam. Cum autem pluribus regnis solus non posset operam impendere, nepotem suum, licet impuberem, scilicet Suenonem, regio illustrauit honore <et>A Datiam ei commendauit gubernandam. Cuius pater extitit Vlf dictus Sprakeleg cognomine, mater vero | soror regis Estrith.