16000414002

1600. 14. april n.s. Benatky

Tycho Brahe til Raphael Ciaperenius

A Basel, Universitätsbibliothek Basel, G I 35.

Tychonis Brahe Dani Opera Omnia, ed. I.L.E. Dreyer, Tom. VIII, Hauniæ 1925, p. 302

EXCELLENTISSIMO ET ERUDITISSIMO VIRO, DOMINO RAPHAELI CIAPARENIO, APUD ILLUSTRISSIMUM ORATOREM FLORENTINUMPRAGÆ DOMUS PRÆFECTO, DOMINO ET AMICO HONORANDO.

QUAS iussu Ill^mi et Magnif^mi Oratoris Florentini ad me Excell^a V^ra per certum tabellarium direxit literas, modo accepi, atque pro hoc mihi præstito officio plurimas eidem gratias habeo, relaturus, si quid unquam meâ opellâ præstari poterit, quod illi vicissim acceptum esse queat. Prædicavit mihi iam antea TENGNAGLIUS noster, qui ante mensem circiter in Patriam, Parentes suos invisurus, abijt, singularem Ex^æ V^ræ humanitatem et erga se benevolentiam, quam filio quoque meo, cum vobis adesset, præstitam, magni beneficij loco duco. Daboque operam, quantum in me est, ne se certasse priorem pœniteat, speroque nos, ubi Pragam advenero, ulterioris notitiæ atque amicitiæ fundamina coram posituros.

Interim et semper Ex^a V^a quam optime valeat.

Dabantur properanter ex Arce Cæsareâ Benaticâ Die 14 Aprilis Anni 1600.