Iohannes dei gracia/ comes Holtzacie/ ac Stormarie/ terrarumque Szallandie ac Skanie capitaneus/ omnibus presens scriptum. cernentibus/ salutem in domino sempiternam/ ♦ Notum facimus uniuersis/ quod/ nos/ dilectos nobis/ uniuersos/ et singulos/ opidanos de Campen/ benigno fauore prosequi uolen- tes/ et graciis specialibus honerare/ omnes et singulas gracias/ libertates/ consuetudines/ ac emunitates/ quas/ a regibus Dacie tam super eorum loco/ in nundinis in Skanør/ qui/ Fiit dicitur/ quam/ aliis quibuscunque/ se/ ipsorum . . regum litteris docere poterint/ liberius habuisse/ ipsis cupimus/ dimittimus/ ac tenore presencium/ confirmamus/ ♦ Unde districtius inhibemus/ ne quis aduocatorum nostrorum/ eorundem officialium/ seu quisquam alius/ cuiuscunque condicionis/ aut status/ existat/ ipsos/ aut eorum aliquem/ super premissis/ loco/ graciis/ libertatibus/ consuetudinibus/ ac emunitatibus/ impediat in aliquo/ uel molestet/ prout indignacionem nostram/ et ulcionem debitam duxerit euitandam/ ♦ In cuius rei testimonium/ sigillum nostrum presentibus duximus apponendum/ ♦ Datum anno/ domini/ m^o/ c^oc^oc^o/ tricesimo secundo/ feria sexta/ post dominicam/ Oculi mei/