© 2024 Det Danske Sprog- og Litteraturselskab. Copyright
Dansk Litteratur drives af Hugo v0.119.0
Hosting: Det Danske Sprog- og Litteraturselskab
We Woldemar van ghotes gnaden hertoghe to Iutland · bekennen vnde betughen openbar in dessem breue dat we alle de stukke vnde schelinghe · dar vse here Woldemer koningh tho Denemarken/ vnde sine helpere · vnde vse øme Hinrich/ Clawes/ vnde Gherd ghreuen tho Holtsten · vnde ere helpere · vm gheschelet hebben went an dessen dach · hebben ghantzliken tho vns ghenomen · vnde willen vnde schølen se berichten vnde vntscheden mit minnen øft we møghen · ♦ Kvnde we auer se mit minne nicht vorskeden so schole we vnde willen se io · mith rechte vntscheyden vm alle stukke · na claghe vnde na antworde im beyden siden · twischen hir · vnde svnte Mertens daghe · de nu negest tho komende is in der stat tho Ripen · vnde wo we se vntscheyden/ dath schole we im beschreuen gheuen vnder vseme ingheseghele · ♦ Des vses vntschedes scholen se warden op de tit tho svnte Mertins daghe tho Ripen/ ♦ Vortmer alle breue vnde louede · de vnde dat vor ghegheuen vnde ghescheyn is · de schølen bliuen/ in aller macht vnthobrochen · ♦ Mer wes we se mith rechte · oder mith minnen na ereme willen vorscheden dar scholen se bibliuen · anders schal eyn iewilich sines rechtes bliuen vnvorsvmet/ ♦ Vortmer kvnde we desse ghenomden heren vnde ere helpere · nicht vorminnen na ereme willen dath we se denne io · vntscheden scholen vnde willen mith rechte · oppe de thit vnde in der stat also hir vor ghesproken is ♦ Dath hebbe we hertoghe Woldemar vor ghenomet vnde mith vns vnde vor vns de edele man Ludolf greue tho Hallermunt · her Knwt Friis her Strwf van Rantzow · her Marqwart Lembeke/ Peter Lembeke · Goschalch Witte Rauen Metzeke Woghen Niclesson · Lasse Sture · Cristyern Sture · Thydike van Kampe · Eler vnde Wulf brodere van Rantzow · Ribe Rutze · Røuer · Reymar Bisticse · Marquard Botze · Marqward Swanow · vnde Marquard Ghortze · dessen vor ghenomden ghreuen/ vnde tho erer hant vnde tho erer helpere hant · hern Marqward van der Wiske de gheheten is Rorlant · hern Marquard van der Wiske · hern Tymmen van Ghodendorpe · Dosen van Ghodendorpe · Marqward Albrecte vnde Busken van Westense · Wulf Pogghewisken · Marquard Wulue · Tynnen van Rantzow · Godschalke van Rantzowe · Tytleue Wensinen · Conrade Metzeken · Marqwarde Sesteden · Clawese Porsfelden vnde Hinrike Barsbeken an truwen ghelouet mith sameder hant · vast tho holdende · vnde louet an desseme breue de ghegheuen vnde ghescreuen is tho Sunderborgh · vnder vser aller ynghesegelen · mith vseme willen vnde weten · na ghodes bort · dusent iar drehvndert iar · in deme ver vnde vertigesten iare · an deme daghe des hilghen cruces also it ghevunden wart\
17 hern] n o. lin. A.
Vi Valdemar, af Guds nåde hertug af Jylland, erkender og bevidner åbenbart med dette brev, at vi helt og holdent har påtaget os at afgøre alle de stridspunkter og uoverensstemmelser, som vor herre Kong Valdemar af Danmark og hans hjælpere og vore morbrødre Henrik, Klaus og Gerhard, grever af Holsten, og deres hjælpere har været i strid om indtil denne dag, og at vi vil og skal bilægge og afgøre dem ved mindeligt forlig, ifald vi kan. Men hvis vi ikke skulle kunne forlige dem mindeligt, så skal vi — og det ønsker de bestemt — efter klage og gensvar fra begge parter afsige dom i alle sager i Ribe i tiden mellem nu og næstkommende St. Mortensdag; og vi skal give dem det skriftligt under vort segl, hvordan vi har dømt imellem dem. Vor dom skal de afvente omkring St. Mortensdag i Ribe. Fremdeles skal alle breve og det løfte, som er givet og aflagt tidligere, forblive i kraft ubrudt. Men hvad de ved retsafgørelse eller ved mindeligt forlig efter deres vilje bilægger, det skal de overholde. I øvrigt skal enhver forblive ufortrædiget i sin ret. Fremdeles hvis vi ikke skulle kunne forlige disse nævnte herrer og deres hjælpere mindeligt, så skal og vil vi bestemt træffe en afgørelse ad rettens vej mellem dem på det tidspunkt og i den stad, som er fastsat her forinden. Det har vi hertug Valdemar påtaget os, og med os og for os har de ædle mænd Ludolf, greve af Hallermund, herr Knud Friis, herr Struve v. Rantzau, herr Markvard Limbæk, Peder Limbæk, Godskalk Witte, Raven Metzeke, Vogn Nielsen, Lars Sture, Kristian Sture, Tideke v. Kampe, Eler og Wulf, brødre af Rantzau, Ribe Rutze, Rover, Reimar Bisticse, Markvard Botze, Markvard Swanow og Markvard Gortze, i fællesskab lovet på vor tro fast at overholde det overfor disse førnævnte grever, og på deres og deres hjælperes side overfor Markvard v. d. Wisch, som er kaldt Rorland, herr Markvard v. d. Wisch, herr Timme v. Godendorp, Dose v. Godendorp, Markvard, Albrecht og Busche v. Westensee, Wulf Pogwisch, Markvard Wulf, Tønne v. Rantzau, Godskalk v. Rantzau, Ditlev Wensin, Konrad Metzeke, Markvard Sehested, Klaus Porsfeld og Henrik Barsbek, og vi har lovet i dette brev, som er givet og skrevet i Sønderborg under vores alles indsegl, med vor vilje og vidende, år 1344 efter Guds fødsel, på den dag, da det hellige kors blev fundet.