© 2024 Det Danske Sprog- og Litteraturselskab. Copyright
Dansk Litteratur drives af Hugo v0.119.0
Hosting: Det Danske Sprog- og Litteraturselskab
Tekst efter Aa, lakunerne udfyldt efter Sudendorf UB.:
Wy Woldemar van der gnade godes eyn konyng der Denen vnde der Wende bekennen vnde bethughen openbar an desme breue dat wy hebben entfanghen vnde genomen iuncheren Alberte den hertoghen van Sassen to vnsme denste. vnde wy willen vnde scholen ene vordeghedinghen to alle synen noden vnde to [all]en synen rechten reden. ♦ Vnde were dat he yeneghen schaden neme he sy klene efte grod an welken stucken dat were den he nympt edder nemen mach in vnseme denste efte dorch v[ns]en willen. den scole wy efte vse rechten aneruen deme vorbenomden iuncheren Alberte vnde synen rechten aneruen ghantz vnde degher vprichten vnde sunder vortoch wedder legghen na [sy]nes vedderen herteghen Erikes des iungheren van Sassen sprekende vnde na syme seghende. ♦ Alle desse vorscreuene stucke loue wy konyng Woldemar vorgenomet vnde vnse rechten [a]neruen dem vorscreuenen iuncheren Alberte vnde synen rechten aneruen intrwen stede vnde vast to holdende vmbeworen. ♦ To ener groteren bekantnisse vnde betughinghe alle desser vorscreuenen stucke henghe wy vnse ingesegel to desme breue. de gegeuen vnde screuen is na godes boort drytteynhundert iar in deme ses vnde veftigesten iare inder kinder daghe [de]r mertere.
Vi Valdemar, af Guds nåde de Danskes og Venders konge, erkender og bevidner åbenbart ved dette brev, at vi har modtaget og antaget junker Albrecht, hertug af Sachsen, i vor tjeneste, og vi vil og skal retsligt forsvare ham, når han er i nød, og med hensyn til alle hans lovlige overenskomster. Og hvis han nogensinde skulde lide nogen skade, stor eller lille, i en hvilken som helst sag, og han lider eller måtte lide den i vor tjeneste eller for vor skyld, så skal vi eller vore rette arvinger helt og holdent genoprette den og ufortøvet yde erstatning for den til fornævnte junker Albrecht og hans rette arvinger efter hans fætter hertug Erik den Yngre af Sachsens kendelse og dom. Alle disse fornævnte punkter lover vi fornævnte kong Valdemar og vore rette arvinger over for fornævnte junker Albrecht og hans rette arvinger at holde på tro og love, stedse og ubrydeligt og uden indsigelse. Til yderligere bekræftelse og vidnes byrd om alle disse fornævnte punkter hænger vi vort segl under dette brev, som er givet og skrevet i det Herrens år 1356 på martyrbørnenes dag.