Omnibus presens scriptum cernentibus Iohannes de Hallum Thordo de Saubro sacerdotes. Nicolaus Mwnk Iohannes Laghson Iohannes Aghenson. Iacobus Aghson Sweno Scoby. Nicolaus Ionson de Tynnyngh. Cristernus Nielson. Nicolaus Iuto de Skwldeløf salutem in domino. ♦ Nouerint uniuersi presentes et futuri nos sub anno domini m^o ccc lxxx^o vi proximo placito Saubrohæret post concepcionem beate Marie uirginis uidisse et audiuisse. quod dominus Nicolaus de Lynghw et omnes fratres eius et omnes ueri heredes Sywerth Nielson eodem placito constituti. Nicolao Ienson partem eorum in Sweystrop pro pleno precio uendiderunt et legaliter scotauerunt. ♦ Item. Stigotus Nielson dicto placito Saubrohæret. ipsi Nicolao Ienson partem suam in Sweystrop pro pleno precio uendidit et scotauit. quam. scilicet. partem. Elnæ Sywers ipsi Stigoto Nielson antea uendidit. et scotauit. ♦ Item omnes ueri heredes dicte Elnæ Sywers prenominato Nicolao lenson dictam scotacionem annuerunt et apropriauerunt ♦ Insuper omnes prenominati obligauerunt se dicta bona Sweystrop antedicto Nicolao Ienson apropriare. et ab impeticione eorum ac quorumcumque liberare. ♦ Quod uidimus et audiuimus in uerbo ueritatis protestamur ♦ D[atu]mA anno die loco supradictis. \