© 2024 Det Danske Sprog- og Litteraturselskab. Copyright
Dansk Litteratur drives af Hugo v0.119.0
Hosting: Det Danske Sprog- og Litteraturselskab
Wy Gherard van godes gnaden hertoghe tho Sleswik vnd greue tho <Ho>lsten tho Stormeren vnd tho Schowenborch bekennen vnde bet{ue}ghen apenbare in dessem breue dat vmme de duzent lodeghe mark. alse vnse gnedeghe vrowe vnde omeke koninginne Margarete vnsen vedderen greuen Clawese zeligher dechtnisse vnsen bolen greuen Albrechte vnd vns. ghegheuen heft. vnde se vnde biscop Eskil van Ripen vnde mer erer medelouere vns ghelouet vnde bebreuet hebben. so bekenne wy an dessem vnsem openen breue. dat de erliken lude her Peter Lukke erkedeken to Roskilde her Ions Andersson vnde her Berneke Schinkel riddere. van dessen vorbenomeden duzent lodeghe marken vns an reden penninghen to vnser noghe wol to danke betalet hebben. verh{ue}nderd Lubische mark. achte vnd sostich Lubische mark vnd twelf schillinghe. van den vifhunderd lødeghe marken. de se to dessem iare bere bereden scolen. van der vorscreuen. vnser vrowen vnd erer medelouere weghen. wor vmme so late wy vnd vnse eruen vnse vorbenomeden vrowen Margareten vnd ere eruen vnde nakømelinghe. vnd biscop Eskil vorbenomed. vnd al ere medelouere. vnd ere eruen. qwit ledich vnde ghensliken los. vor desse vorbenomeden verh{ue}nderd Lubische mark. achte vnd sostich mark Lubisch vnde twelf schillinghe. van dessen vorbenomeden dusent lodeghe marken also dat se vnd ere eruen vnd nakømelinghe eder ere medelouere eder ere eruen an ihenegherleye wis. noet. maninghe. eder schuldinghe. <liden scholen> van dessen vorbenomeden. verhunderd achte vnd sostich Lubische. marken vnd twelf schillinghe. ♦ Vnd to mereren bewaringhe vnde sekericheit alle desser vorbenomeden stukke dat se stede vnd vast bliuen scolen an aller mate alse hir vore screuen is sunder ihenegherleye arghelist eder hulperede. so hebbe wy hertoghe Gherard van Sleswik vorbenomed vnse in gheseghel mid willen. vnd mid witschop henghet laten an dessen bref de ghescreuen is to Koldinghe na godes bord drutteynhunderd iar dar na an deme achte vnde neghenteghesten iare an sunte Mertens daghe des hilghen biscopes\
2 tho <Ho>lsten] tholsten A. 20 <liden scholen>] mgl. A, udfyldt efter nr. 663, også rettet Schlesw.-Holst. Reg. u. Urk. 22 alle] med I (2.) rettet fra s A.
Vi Gerhard, af Guds nåde hertug af Slesvig og greve af Holsten, af Stormarn og af Schauenburg, erkender og bevidner åbent med dette brev angående de 1000 lødige mark, som vor nådige frue og slægtning, dronning Margrete, har givet vor farbroder grev Klaus — salig ihukommelse — vor kære broder grev Albrecht og os, og som hun og biskop Eskil af Ribe og flere af hendes medlovere har lovet og givet os skriftligt, så erkender vi med dette åbne brev, at de ærlige folk, hr. Peder Lykke, ærkedegn i Roskilde, hr. Jens Andersen og hr. Bernike Skinkel, riddere, ud af disse fornævnte 1000 lødige mark har betalt os i rede penge og helt til vores tilfredshed 400 lybske mark og 68 lybske mark og 12 skilling af de 500 lødige mark, som de skulle udrede i dette år på den forskrevne vor frues og hendes medloveres vegne; derfor så erklærer vi og vore arvinger vor fornævnte fru Margrete og hendes arvinger og efterkommere og fornævnte biskop Eskil og alle deres medlovere og deres arvinger kvit, fri og aldeles løst fra disse fornævnte 400 lybske mark og 68 lybske mark og 12 skilling ud af de fornævnte 1000 lødige mark, således at hun og hendes arvinger og efterkommere eller hendes medlovere eller deres arvinger på ingen måde skal tåle nød, senere rykning eller anklage angående disse fornævnte 468 lybske mark og 12 skilling. Og til yderligere sikkerhed og garanti for alle disse fornævnte punkter, og for at de skal bestå stadigt og fast på alle måder, der er skrevet her foran uden nogen svig eller udflugter, så har vi, fornævnte hertug Gerhard af Slesvig, med vilje og med vidende ladet vort segl hænge under dette brev, der er skrevet i Kolding år 1398 efter Guds fødsel på den hellige biskop sankt Mortens dag.