Omnibus presens scriptum cernentibus. Magnus Biornsun ..... iarl ..... salutem in domino/ ♦ Notum facio uniuersis me sub anno domini. m^o. c^oc^oc^o. xl. quarto. die quintadecima mensis aprilis puplice in placito Harthakersheret/ quandam curiam matris mee domine Cristine/ in Hortæthorp sitam cum agris pratis. pascuis et omnibus aliis suis pertinenciis mo- bilibus et inmobilibus/ estimacionibus dumtaxat ecceptis/ honorabili uiro domino Benichino canonico Lundensi/ actoritate eiusdem matris mee/ per patentes litteras suas michi assignat<am>/ prout potestas et actoritas eiusdem/ in eisdem litteris euidenter patebit/ legaliter in sinum suum scotasse et realiter ad manus suas tradidisse/ iure perpetuo possidendam/ pro certa summa pecunie michi in prompto assignata. obligans me firmiter me/ matrem meam predictam et alios heredes meos bona fide nunc et in perpetuum presentibus litteris dictam curiam cum omnibus suis attinenciis ut prefertur eidem domino Benechino et heredibus suis appropriare/ et ab infestacionibus seu inpeticionibus quorumlibet penitus liberare; renunciando quo ad hoc omni excepcioni/ doli mali/ et omni/ quod contra presentes litteras seu eius effectum uenire posset/ uel in aliquo eis obuiare/ ♦ In cuius rei testimonium sigillum meum una cum sigillis discretorum uirorum/ dominorum/ Nicholai presbiteri de Karlæby Haquini Gøthmari/ et Hermanni Cristiernsun [re]ctoris ecclesie Raflundæ presentibus duxi apponendum/ ♦ Datum anno [die et loco supradic]tis\