DD nr. 13460125001

1346. 25. januar. Reval229

Kong Valdemar 4. Atterdag stadfæster St. Michaelis nonneklosters besiddelse af St. Olufs kirke i Reval samt tilstår det ejendomsretten over den mølle ved Reval, som Henrik v. Brakel har overdraget klostret sammen med sine to døtre.

A: Dorpat (Tartu) Centralarkiv, ERuA I, 2, 10,1. Perg. 23 × 13 (plica 2,3). Kong Valdemars junkersekret af grønt voks i røde og grønne silketråde, DKS. 36 — B: Ibid. 1,2, 10,2. Perg. 32 × 21,5 (plica 2,9) Kong Valdemars dobbeltsegl i grønne og gule silketråde; seglet identisk med det i nr. 116 under B beskrevne, cf. også nr. 228.

Tryk: Bunge III 147 nr. 841a (efter A) — Reg. Dan. nr. *1962. Dipl. Dan. 3. rk. II nr. 229; DRB. III:2 nr. 229 (i oversættelse).

Woldemarus dei gracia Danorum Sclauorumque rex dux Estonie omnibus presens scriptum cernentibus salutem in domino sempiternam. ♦ Cum lapsu primi parentis humano generi communiter infligitur ne temporis lapsu gestarum rerum series labatur memoria prouide prouidit laudanda patrum sollercia eam scripture testimonio perhennari. ♦ Quamobrem constare uolumus presentibus et futuris quod nos deo deuotas dominas abbatissam et conuentum sanctimonialium ordinis Cysterciensis monasterii sancti Michaelis Reualie pio fauore prosequi affectantes et diuine remuneracionis intuitu regali gracia auctius honorare. cupimus eisdem graciam liberaliter eis factam et a nostris piis progenitoribus iam actenus indultam in subleuacionem inopie ipsarum ecclesiam beati Olaui in Reualia cum toto iure parrochiali pro suis usibus habere et eandem cuicunque clericorum conferre uoluerint auctoritate regia presentibus indulgemus. ♦ Insuper proprietatem molendini siti prope Reualiam inter molendinum domini Agonis Saxssun. et molendinum quondam domini Iohannis de Hildensem collati conuentui eiusdem loci per dominum Henricum de Brakele cum duabus filiabus suis dictis abbatisse et conuentui. concedimus. damus. et appropriamus cum attinenciis suis omnibus in terris et aquis iure perpetuo possi- dendam. uolentes ratum et stabile hoc factum sicut in aliis litteris earum super hoc plenius confectis libenti animo racionabiliter confirmare. ♦ Prohibemus insuper firmiter et districte sub obtentu gracie nostre ne aliquis aduocatorum nostrorum uel eorum officialium seu quiuis alius dictas sanctimoniales uel earum aduocatos super premissis audeat quomodolibet impedire seu aliquatenus molestare sicut indignationem nostram et ulcionem regiam uoluerit euitare. ♦ Ut igitur premissa omnia robur habeant perpetue firmitatis presentes litteras nostro secreto roboratas eisdem contulimus in testimonium et cautelam. uolentes dictum secretum nostrum plenam habere efficaciam et uigorem sufficientem. ♦ Datum Reualie anno domini m^o.ccc^oxlvi^o die conuersionis apostoli Pauli teste domino Stigotho Andersun consiliario nostro et capitaneo Reualiensi.

22 actenus = hactenus.

2 racionabiliter] canonice B.

8 secreto] sigillo B.

9-10 uolentes indtil sufficientem] findes ikke i B.

11 m^o.ccc^oxlvi^o] millesimo. tricentesimo quadragesimo sexto B.

22: cf. Dipl.Dan. 2. rk. III nr. 248.